Mai Klimkovič — 85

Dačka Michasia Klimkoviča, jana da 80 hod adpracavała karektarkaj u biełaruskamoŭnych vydańniach.

Maja Klimkovič, Minsk. Adrazu paśla vajny.

27 listapada spoŭniłasia 85 hadoŭ Mai Michajłaŭnie Klimkovič.

Jana naradziłasia ŭ piśmieńnickaj siamji. Jaje baćka Michaś Mikałajevič — pieršy staršynia Sajuza piśmieńnikaŭ BSSR, i adzin ź jahonych stvaralnikaŭ u 1932 hodzie. Jaje maci Maryja Jazepaŭna praź piać hadoŭ paśla ŭtvareńnia taho Sajuza niejkim cudam uratavała Michasia Mikałajeviča ad Canavy i Panamarenki.

Maja Michajłaŭna dobra pamiataje Janku Kupału, Jakuba Kołasa, Janku Maŭra, Ryhora Šyrmu i Uładzimira Karatkieviča. Z adnymi siabravali jaje baćki, druhija byli prosta susiedziami.

Maja Michajłaŭna — najlepšy biełaruski karektar. Jana maje dośvied pracy redaktaram u vydaviectvie «Biełaruskaja Savieckaja Encykłapiedyja» z dnia jaje zasnavańnia, a paśla vychadu na piensiju i ažno da 80-hodździa — karektaram u haziecie «Kultura».

Jana kateharyčna admoviłasia brać udzieł u aficyjoznych zachadach pa prapahandzie be-es-es-eraŭskaha himna «My — biełarusy», słovy da jakoha napisaŭ jaje baćka, z pryčyny nieaktualnaści taho himna.

Mnie pašenciła dvojčy. Pa-pieršaje, ja pracavaŭ ź joj u «Kultury». Pa-druhoje,, jana — maci majho kuma, siabra i saaŭtara, Maksima Klimkoviča, ci ni samaha talenavitaha, intelihientnaha i šlachotnaha čałavieka, jakoha ja bačyŭ u svaim žyćci.

Maja Michajłaŭna! Vinšavańni!

Kamientary da artykuła