Skenłan: Ułady Biełarusi bajacca svajho naroda?
U ZŠA, naprykład, demanstranty rehularna źbirajucca vakoł Biełaha doma.
«Zakon, jaki budzie karać ludziej «za [arhanizavanuju] biaździejnaść», absurdny, — zajaviŭ u intervju Jeŭraradyjo časovy pavierany ŭ spravach ZŠA ŭ Biełarusi Majkł Skenłan. — Prava na mirny schod — hałoŭny atrybut demakratyčnaha hramadstva. U ZŠA, naprykład, demanstranty rehularna źbirajucca vakoł Biełaha doma. Što tyčycca maŭklivych pratestaŭ, mianie ŭraziła, jak šmat sił i srodkaŭ prykłali ŭłady padčas ekanamičnaha kryzisu, kab zatrymlivać i aryštoŭvać ludziej, jakija prosta moŭčki stajali abo plaskali ŭ ładki. Čamu ŭłady pajšli na takija miery? Jany bajacca svajho naroda?" -- zapytaŭsia dypłamat.
Skenłan zajaviŭ, što z boku ZŠA torhu ŭ pytańni palitviaźniaŭ nie budzie: «Miž roskvitam i demakratyjaj isnuje nieparyŭnaja suviaź: adnaho nie moža być bieź inšaha na ŭstojlivaj asnovie. Tamu nieadkładnaje i biezumoŭnaje vyzvaleńnie ŭsich palityčnych źniavolenych było b pieršym krokam Biełarusi ŭ hetym kirunku. Ale dazvolcie mnie rastłumačyć adnu reč: my nie budziem udzielničać u handli vakoł palityčnych źniavolenych».