Puhačova trapiła ŭ balnicu
Daktary praviali narodnaj artystcy SSSR karanahrafiju.
Daktary praviali narodnaj artystcy SSSR karanahrafiju i vypisali z kliniki.
U znakamituju kliniku Bakuloŭku 62-hadovuju Puhačovu dastavili ŭ paniadziełak. Ała Barysaŭna adčuła rezkaje niedamahańnie i vyrašyła nieadkładna źviarnucca pa dapamohu daktaroŭ.
— U niadzielu pryjazdžała na kansultacyju da našych daktaroŭ, — raskazali ŭ Bakuloŭcy. — Ale ŭ toj dzień jana kłaścisia nie stała i źjechała z kliniki.
Adnak situacyja była nievyraznaj, i ŭžo kala paŭdnia ŭ paniadziełak Puhačova znoŭ źjaviłasia ŭ klinicy. Jaje adrazu ž praviali ŭ elitnaje adździaleńnie, dzie zahadzia była padrychtavanaja pałata. Užo tam artystku pačali rychtavać da składanaj pracedury i praz hadzinu praviali jaje.
Karanahrafija — renthienakantrastny mietad, pry jakim u kroŭ uvodzicca śpiecyjalny sastaŭ, kab vyznačyć najbolš dakładna miescy zvužeńnia sasudaŭ.
Takija apieracyi masava robiać i ŭ Biełarusi.
Amal sutki paśla pracedury Puhačova zastavałasia pad nahladam kardyjołahaŭ, ale ŭ aŭtorak kala dziesiaci hadzin ranicy pakinuła centr.
Puhačova stała pop-idałam rasijskaj sceny jašče ŭ savieckija hady. U jaje lohkaj vulharnaści była svojeasablivaja seksualnaść.Skandały i pahonia za hrašyma vyłučali jaje na poźniesavieckaj scenie. Zrabiŭšy sabie novy imidž damy balzakaŭskich hadoŭ, jana stała pazicyjanavacca jak prymadona.
Jana mianiała maładych kachankaŭ, ale była niaźmienna svajoj na źmienlivym postsavieckim telebačańni.Mnohija ličać jaje ŭvasableńniem sučasnaha rasijskaha charaktaru, hrubavataha, ale poŭnaha žyćciovaj siły.