Fota viciebskaha hieta pradali na aŭkcyjonie

Fotazdymak z vyjavaj viciebskaha hieta byŭ pradadzieny na internet-aŭkcyjonie eBay za 26,77 dalara.

Niamiecki fatohraf źniaŭ nieviadomaha mužčynu ŭ cyvilnym na fonie driaŭlanaha płota, na jakim prymacavanaja šylda z nadpisam pradublavanym pa-niamiecku i pa-biełarusku: «Vorsicht! Seuchengefahr! Ghetto! Uvaha! Niebiaśpieka zarazy! Hietto!»

Fotazdymak, chutčej za ŭsio, zrobleny ŭ pieryjad z kastryčnika pa śniežań 1941 hoda — u kastryčniku ŭ hieta praz hoład, antysanitaryju i adsutnaść miedykamientaŭ uźnikła pahroza epidemii, a ŭ śniežni byli rastralanyja apošnija viaźni hieta i jano likvidavanaje.

Fota było pradadzienaje handlarom vajennymi fotakartkami z Redvuda, što ŭ Kalifornii, ZŠA. Raniej my publikavali zdymki likvidacyi hieta, jakija taksama pradali na aŭkcyjonie eBay.

Kamientary da artykuła