Biełaruś pa-raniejšamu lidziruje ŭ Jeŭropie pa roście spažyvieckich cen

Paraŭnalnyja źviestki apublikavaŭ Nacyjanalny statystyčny kamitet. Tak, u Biełarusi rost spažyvieckich cen u kastryčniku ŭ dačynieńni da vieraśnia skłaŭ 8,2%, u toj čas jak u Litvie — 0,1%, Kazachstanie, Łatvii, Słavakii i Finlandyi — 0,2%, Irłandyi i Čechii — 0,3%, Rasii — 0,5%, Italii — 0,6%, Vienhryi i Polščy — 0,7%, Bałharyi i Ispanii — 0,8%, Turcyi — 3,3%.

U šerahu krain inflacyi ŭ hety pieryjad naohuł nie nazirałasia: va Ukrainie i Hiermanii spažyvieckija ceny zastalisia na raniejšym uzroŭni. A ŭ niekatorych dziaržavach było adznačana źnižeńnie cen: u Narviehii i Estonii jany panizilisia na 0,1%.

Pavodle źviestak Biełstata,

ceny na pradukty charčavańnia i biezałkaholnyja napoi ŭ Biełarusi ŭ kastryčniku ŭzraśli na 10,9%.

U Litvie ceny na pradukty charčavańnia źnizilisia na 0,1%, va Ukrainie — na 0,3%, u Narviehii — na 0,5%, Estonii — na 1,1%.

Lidziruje Biełaruś i pa roście cen na žyllova-kamunalnyja pasłuhi, jakija ŭ kastryčniku pavysilisia na 5,3%. U hety ž čas u Turcyi ŽKP za hety pieryjad padaraželi na 3,6%, Irłandyi — na 1,7%, Italii — 1,1%, Vienhryi — 0,8%, Polščy — 0,6%, Bałharyi, Ispanii, Kazachstanie — 0,4%, va Ukrainie — 0,3%, u Rasii, Litvie — 0,2%, Słavakii, Finlandyi, Čechii — 0,1%.

U Łatvii i Narviehii ceny na ŽKP źnizilisia na 0,3%.

Jak zaznačaje Biełstat, paraŭnalnaja infarmacyja «padrychtavana na asnovie publikacyj Arhanizacyi ekanamičnaha supracoŭnictva i raźvićcia (AESR), Jeŭrastata, nacyjanalnych statystyčnych słužbaŭ i źviestak, što raźmiaščajucca ŭ sietcy internet u adpaviednaści z patrabavańniami Śpiecyjalnaha standartu raspaŭsiudžańnia źviestak (SSRZ) MVF».

Kamientary da artykuła