Z-za mocnaha vietru było abiastočana bolš jak 1.270 nasielenych punktaŭ

Pavodle źviestak DPA «Biełenierha», 28 listapada z-za mocnaha vietru ŭ Biełarusi byŭ abiastočany 1.271 nasieleny punkt. Elektrazabieśpiačeńnie spažyŭcoŭ adnoŭlena, paviedamiła pres-słužba MNS.

Zhodna z apieratyŭnymi źviestkami z-za paryvaŭ vietru (da 24 m/s) paškodžany dachi 84 žyłych damoŭ: u Bresckaj vobłaści — 63, Hrodzienskaj — 19, Minskaj — 2. Adnoŭleny dachi na 5 damach. Taksama paškodžany 13 abjektaŭ sackultbytu (adnoŭleny 3), 10 vytvorčych (nie adnoŭleny) i 412 sielskahaspadarčych budynkaŭ (adnoŭleny 12). Avaryjnymi bryhadami viaducca adnaŭlenčyja raboty.

Jak paviedamiŭ Respublikanski hidramieteacentr, 28 listapada Biełaruś znachodziłasia pad upłyvam aktyŭnych atmaśfiernych frantoŭ ad cykłona z centram nad Biełym moram. Viecier byŭ paŭdniova-zachodni ź pierachodam na paŭnočna-zachodni mocny paryvisty, u asobnych rajonach vielmi mocny paryvisty.

29 listapada respublika apyniecca ŭ tyłavoj častcy cykłona, tolki dniom pa zachadzie nadvorje budzie vyznačać vobłaść pavyšanaha atmaśfiernaha cisku. Viecier zachodni, paŭnočna-zachodni paryvisty, nočču pa ŭschodniaj pałovie mocny paryvisty. U sieradu, 30 listapada, terytoryja krainy zastaniecca pad upłyvam vobłaści pavyšanaha atmaśfiernaha cisku. Budzie pieravažna biez apadkaŭ. Pa paŭnočna-ŭschodniaj pałovie zachavajecca mocny paryvisty viecier.

Kamientary da artykuła