«Mižnarodnaja amnistyja» pačała kampaniju pa vyzvaleńni Alesia Bialackaha
Sutnaść kampanii zaklučajecca ŭ adpraŭcy zvarotaŭ uładam Biełarusi z patrabavańniem nieadkładna vyzvalić asudžanaha pravaabaroncu.
U svajoj zajavie «Mižnarodnaja amnistyja» pryznaje prava biełaruskich uładaŭ na kryminalny pieraśled u miežach zakona, ale pry hetym śćviardžaje: abvinavačańni ŭ adras Bialackaha majuć palityčnuju padaploku i staviać svajo metaj pieraškodzić jaho zakonnaj pravaabarončaj dziejnaści.
Arhanizacyja zaklikaje ŭsich nieabyjakavych ludziej nakiroŭvać u adras biełaruskich słužbovych asob listy z zaklikam «nieadkładna i biezahavoračna vyzvalić Alesia Bialackaha, spynić pieraśled i pahrozy ŭ adras pravaabaroncaŭ, a taksama nahadvać, što ŭłady abaviazany akazvać padtrymku pravaabaroncam u adpaviednaści z patrabavańniami Dekłaracyi AAN ab pravaabaroncach, u jakoj pravaabaročnaja dziejnaść pryznajecca nieabchodnaj i zakonnaj».
Listy prapanoŭvajecca adpraŭlać da 6 studzienia 2012 hoda na imia Alaksandra Łukašenki, hienprakurora Alaksandra Kaniuka, a kopii zvarotaŭ — u pasolstvy Biełarusi ŭ svajoj krainie.
Aleś Bialacki —