U Biełaviežskuju pušču pryjechali z Paŭnočnaha polusa Śniahurka i Matuchna Zima
Amal 1,5 tys. čałaviek pryjechali 3 śniežnia ŭ siadzibu biełaruskaha Dzieda Maroza ŭ Biełaviežskaj puščy, dzie prachodzić sustreča Śniahurki i Matuchny Zimy.
U pieršyja vychadnyja śniežnia jany tradycyjna viartajucca siudy z Paŭnočnaha polusa i da viasny razam ź Dziedam Marozam sustrakajuć haściej. U honar ich pryjezdu hałoŭny navahodni piersanaž štohod pravodzić śviata.
Hości, jakija pryjechali siońnia ŭ siadzibu razam ź Dziedam Marozam, Śniahurkaj i Matuchnaj Zimoj, buduć vadzić karahody vakoł jołki, udzielničać u roznych konkursach, zmohuć pakatacca na navahodnim ciahniku i ŭ zaprežanaj końmi kalascy.
U siadzibie adkryta vystava rabot majstroŭ narodnaj tvorčaści Kamianieckaha rajona Bresckaj vobłaści, prachodzić vystupleńnie tvorčych kalektyvaŭ rehijonu.
Jak paviedamili ŭ siadzibie, z hetaha dnia ŭ rezidencyi hałoŭnaha biełaruskaha Dzieda Maroza pačynajucca pieradnavahodnija śviaty, i tradycyjna ŭzrastaje kolkaść haściej. Najbolšaja kolkaść naviedvalnikaŭ siadziby, jakaja adkryta kruhły hod, prychodzicca na śniežań i studzień.
Štohod kolkaść naviednikaŭ Dzieda Maroza raście. U pryvatnaści, za 11 miesiacaŭ hetaha hoda ŭ jaho pabyvała 85 tys. čałaviek. Za taki ž pieryjad 2010 hoda — 74. tys. čałaviek.
Siadziba biełaruskaha Dzieda Maroza ŭ Biełaviežskaj puščy była adkryta ŭ śniežni 2003 hoda.