Italija abviaściła novyja antykryzisnyja miery
Prem'jer-ministr Italii Marya Monti abviaściŭ u niadzielu płan ekanomii 30 miljardaŭ jeŭra za košt pavyšeńnia padatkaŭ i piensijnaha ŭzrostu dziela ŭmacavańnia finansavaj sistemy krainy i abarony ad pazykovaha kryzisu.
Monti skazaŭ, što prahrama ekanomii, u tym liku 20 młrd za košt skaračeńnia biudžetu i 10 młrd za košt paskareńnia ekanamičnaha rostu — balučaja, ale nieabchodnaja.
«Nam daviałosia padzialić achviary, ale my zmahli padzialić ich spraviadliva», — skazaŭ jon na
Namieśnik Monci ŭ Ministerstvie ekanomiki Vitorya Hryli skazaŭ, što płan pavinien dapamahčy Italii atrymać biezdeficytny biudžet da 2013 hoda, niahledziačy na čakanaje skaračeńnie ekanomiki na 0,4–0,5% u nastupnym hodzie i nulavy rost u 2013.
Italija pryniała dadatkovyja miery ekanomiki napiaredadni klučavoha samita jeŭrapiejskich lidaraŭ u čaćvier i piatnicu ŭ Bruseli, dzie budzie abmiarkoŭvacca ahulny płan vyratavańnia jeŭrazony.
Italija, dziarždoŭh jakoj dasiahnuŭ 120% VUP na fonie stahnacyi ekanomiki, apynułasia ŭ centry pazykovaha kryzisu Jeŭropy paśla taho, jak staŭka dachodnaści pa jaje
Hryli skazaŭ, što kala 12–13 młrd jeŭra budzie sekanomlena za košt źmianšeńnia raschodaŭ, a astatniaja častka prahramy prypadzie na pavyšeńnie padatkaŭ.
Minimalny piensijny ŭzrost budzie padvyšany paetapna da 66 hadoŭ da 2018 hoda, pry hetym za košt materyjalnych stymułaŭ dziaržava płanuje zaachvočvać žadańnie pracavać da 70 hadoŭ.
Nasupierak čakańniam, Italija nie budzie pavyšać padatak na dachody, a zamiest hetaha ŭviadzie novy padatak na nieruchomaść, jaki daść kaźnie kala 10–12 młrd jeŭra.