U Charvatyi na vybarach pieramahła kaalicyja «Kukareku»

Na parłamienckich vybarach u Charvatyi pieramahła kaalicyja Kukuriku («Kukareku») na čale z apazicyjnaj Sacyjał-demakratyčnaj partyjaj (SDP) Zorana Miłanaviča, paviedamlaje Agence France-Presse sa spasyłkaj na CVK Charvatyi, paśla padliku bolš za 50% biuleteniaŭ.

Kaalicyja Kukuriku atrymaje 76 z 151 miesca ŭ parłamiencie, tady jak kirujučaja «Charvackaja demakratyčnaja sadružnaść» (CHDS) prem'jer-ministra Jadranki Kosar, pavodle źviestak CVK, atrymlivaje 47 mandataŭ. Kosar pryznała parazu, adnak zajaviła, što vynik, jaki pakazała jaje partyja, źjaŭlajecca dobrym, uličvajučy skandały, jakija supravadžali vybary.

Hałoŭnaj pryčynaj padzieńnia papularnaści kirujučaj partyi staŭ šerah karupcyjnych skandałaŭ z udziełam členaŭ CHDS.

Kaalicyja «Kukareku» atrymała svaju nazvu pa šyldzie restarana, u jakim išli pieramovy ab jaje stvareńni. Akramia SDP u kaalicyju ŭvachodziać Charvackaja narodnaja partyja, Istryjskaja demakratyčnaja asambleja i Charvackaja partyja piensijanieraŭ.

Parłamient Charvatyi abirajecca na čatyrochhadovy termin.

Vybary ŭ parłamient Charvatyi prajšli napiaredadni padpisańnia damovy ab dałučeńni Charvatyi da ES, jakoje adbudziecca ŭ ramkach samitu ES 8–9 śniežnia. Kraina aficyjna ŭstupić u ES u 2013 hodzie.

Kamientary da artykuła