Padatkavikoŭ zacikaviła siamja Labiedźki

Usia siamja palityka pavinna padać dekłaracyi za piać hadoŭ.

Usia siamja Anatola Labiedźki pavinna zdać padatkovyja dekłaracyi za try abo piać hadoŭ. Pa słovach lidara Abjadnanaj hramadzianskaj partyi, pryjšli admysłovyja paviedamleńni.

Pry hetym Anatol Labiedźka adznačaje, što jaho syn apošnija hady znachodziŭsia faktyčna ŭvieś čas na navučańni. Palityk adznačaje, što takim čynam ułady sprabujuć akazvać psichałahičny cisk:

— Vidavočny niejki ahulny padychod admysłovaha psichałahičnaha cisku. Tak ja pakul aceńvaju hetuju situacyju. Mianie hłyboka kapali apošni raz ledź nie za 15 hadoŭ. Z kanca 80-ch hadoŭ daviałosia źbirać roznyja papierki. Heta ŭsio zajmaje davoli šmat času. Padčas vybarčaj kampanii taksama ŭ 2008 hodzie pradastaŭlaŭ dekłaracyju. Paśla hetaha było niejkaje zacišša, a ciapier — novy ŭsplesk. Jany matyvacyi svaich dziejańniaŭ nijakaj nie dajuć, jany tolki dajuć spasyłku na artykuł 12 zakona Respubliki Biełaruś «Ab dekłaravańni fizičnymi asobami majomaści i prybytkaŭ».

Zychodziačy z raniejšaj praktyki, adznačaje Anatol Labiedźka, zahad vidavočna idzie z Kamiteta dziaržaŭnaj biaśpieki. Padatkovaja inśpiekcyja jaho paprostu vykonvaje, paviedamlaje sajt Viasny'96 sa spasyłkaj na Radyjo Racyja.

Kamientary da artykuła