Uvodzicca zabarona na vyvaz nieapracavanych skur bujnoj rahataj žyvioły

U Biełarusi ŭvodzicca zabarona na vyvaz nieapracavanych skur bujnoj rahataj žyvioły. Heta praduhledžana pastanovaj Savieta ministraŭ Biełarusi № 1612 ad 30 listapada 2011 hoda, paviedamiła pres-słužba ŭrada.

Zabarona budzie dziejničać z 5 śniežnia hetaha hoda pa 5 červienia 2012-ha. Zabarona nie raspaŭsiudžvajecca na vyvaz nieapracavanych skur bujnoj rahataj žyvioły ŭ krainy Mytnaha sajuza, a dziejničaje tolki adnosna trecich krain. U adpaviednaści z pastanovaj, namiečana ŭnieści na razhlad Kamisii Mytnaha sajuza prapanovu ab prymianieńni anałahičnych mier inšymi dziaržavami — členami MS.

Jak prakamientavali va ŭradzie, kala 30% resursaŭ ajčynnaj skursyraviny idzie na ekspart, pieravažna ŭ krainy Jeŭropy. U vyniku skuranyja pradpryjemstvy lehprama niedaatrymlivajuć syravinu. «Časovaja abmiežavalnaja miera pa vyvazie nieapracavanych škur bujnoj rahataj žyvioły dazvolić pavialičyć zahruzku harbarnych pradpryjemstvaŭ Biełarusi, pavysić efiektyŭnaść ich haspadarańnia», — havorycca ŭ paviedamleńni.

Kamientary da artykuła