Litoŭskich pivavaraŭ tryvožyć tannaje biełaruskaje piva
Tannaja pradukcyja biełaruskich pivavaraŭ usio bolš tryvožyć litoŭskich vytvorcaŭ piva. Prezident Litoŭskaj hildyi pivavaraŭ Saŭlus Haładaŭskas kaža, što ciapier biełaruskaje piva zajmaje kala 6% usiaho rynku piva ŭ Litvie, jašče niadaŭna taki pracent davała ŭsio impartavanaje piva.
Jak śćviardžaje Uładzisłavas Pietraškiavičus, dyrektar kampanii Vienas pasaulis, što zajmajecca impartam pradukcyi zavoda Heineken u Biełarusi, impart aktyvizavaŭsia z pryčyny devalvacyi biełaruskaha rubla — «im vyhadna ekspartavać, lepš atrymlivać valutu, čym pradavać na miascovym rynku».
Jon taksama śćviardžaje, što častka impartnaha piva ŭ Litvie značna ŭzrasła, ale, hledziačy na strukturu impartu, stanovicca jasna, što skaraciłasia kolkaść piva katehoryi Premium, tak jak ź Biełarusi impartujecca ŭ asnoŭnym tannaja pradukcyja.