Homielski brakańjer vypadkova zastreliŭ na palavańni siabra

Sprava za pryčynieńnie śmierci pa nieaściarožnaści (art. 144 Kryminalnaha kodeksa) u dačynieńni da jaho raspačata 2 śniežnia prakuraturaj Łojeŭskaha rajona.

Pozna viečaram 2 śniežnia 32-hadovy mužčyna palavaŭ na dzikoŭ na kukuruznym poli ŭ Łojeŭskim rajonie. Hamialčanin vykarystoŭvaŭ svaju zarehistravanuju strelbu, ale palavańnie było niezakonnym.

U ciemry mužčyna vystraliŭ i vypadkova trapiŭ u svajho 24-hadovaha siabra, jaki ŭdzielničaŭ u palavańni ŭ jakaści zahonščyka. Małady čałaviek, taksama žychar Homiela, ad atrymanych ran pamior na miescy.

Brakańjer sam patelefanavaŭ u milicyju i paviedamiŭ pra zdareńnie. Jon zatrymany, viadziecca śledstva.

Kamientary da artykuła