20-hadovy, sprabujučy raźniać dvuch naviednikaŭ kafe, nienaŭmysna adnaho zadušyŭ

U bresckim kafe małady čałaviek, sprabujučy raźniać dvuch naviednikaŭ, jakija pabilisia, nienaŭmysna zadušyŭ adnaho ź ich.

Jak paviedamiŭ staršy śledčy śledčaha adździeła prakuratury Bresckaj vobłaści (pa horadzie Breście) Viktar Lickievič, heta adbyłosia 4 śniežnia prykładna ŭ 1.30 u kafe «Śviatło miesiaca».

Pamiž dvuma naviednikami zaviazałasia bojka. 20-hadovy žychar Bresta pasprabavaŭ spynić bojku. Jon zacisnuŭ rukoj šyju adnaho ź ich i pačaŭ adciahvać jaho, u vyniku čaho mužčyna pamior na miescy.

Papiaredniaja pryčyna śmierci paciarpiełaha (33-hadovaha žychara Bresckaha rajona) — aśfiksija ŭ vyniku ściskańnia šyi.

U dačynieńni da bieraściejca śledčym adździełam prakuratury Bresckaj vobłaści raspačata sprava pa art. 144 Kryminalnaha kodeksa (pryčynieńnie śmierci pa nieaściarožnaści).

Kamientary da artykuła