Uładzisłaŭ Kavaloŭ i jaho abaronca pačnuć znajomicca z pratakołami sudovych pasiadžeńniaŭ
Pryhavorany da śmiarotnaj kary za saŭdzieł u teraryźmie Uładzisłaŭ Kavaloŭ i jaho advakat Stanisłaŭ Abraziej pavinny 4 studzienia pačać aznajamleńnie z pratakołami sudovych pasiadžeńniaŭ. Heta pracedura zavieršycca 16 studzienia.
Jak paviedamiŭ Stanisłaŭ Abraziej, pa vynikach vyvučeńnia pratakołaŭ mohuć być padrychtavanyja zaŭvahi ŭ Viarchoŭny sud.
Uładzisłaŭ Kavaloŭ i pryhavorany da śmiarotnaj kary za teraryzm Dźmitryj Kanavałaŭ 6 śniežnia atrymali kopii pryhavoru, vyniesienaha Viarchoŭnym sudom 30 listapada. 7 śniežnia Kavaloŭ i jaho abaronca padali prezidentu prašeńnie ab pamiłavańni i nahladnuju skarhu. Jak zajavili BiełaPAN u KDB Biełarusi, a ŭ śledčym izalatary mienavita hetaha viedamstva ŭtrymlivajucca asudžanyja, Kanavałaŭ «ničoha nie padavaŭ».