Sioleta pabudujuć udvaja mienš žylla ad zadańnia na 2011 hod

Urad Biełarusi zaćvierdziŭ zadańni na 2012 hod pa ŭvodzie ŭ ekspłuatacyju ahulnaj płoščy žyłych damoŭ. Adpaviednaja pastanova Savieta ministraŭ, № 1788, pryniata 30 śniežnia 2011 hoda, paviedamiła pres-słužba ŭrada.

U adpaviednaści z dakumientam, u 2012 hodzie ŭ Biełarusi zapłanavana pabudavać 4,2 młn.kv. m žylla. U tym liku ź dziaržaŭnaj padtrymkaj dla hramadzian, jakija majuć patrebu ŭ palapšeńni žyllovych umoŭ, budzie pabudavana 2 młn. 310 tys. kv. m žylla. U sielskaj miascovaści i ŭ małych haradach zapłanavana pabudavać 1 młn. 35 tys. kv. m, u haradach — 2 młn. 349 tys. kv. m žylla.

Zaćvierdžany zadańni dla kožnaj vobłaści i Minska. Tak, u Minskaj vobłaści budzie pabudavana 720 tys. kv. m, Bresckaj — 610 tys., Homielskaj — 570 tys., Hrodzienskaj — 520 tys., Viciebskaj — 400 tys., Mahiloŭskaj — 380 tys. Pry hetym u Minsku zapłanavana ŭźvieści 1 młn. kv. m (u 2011 hodzie zadańnie składała 1,2 młn. kv. m).

Jak paviedamlałasia, u studzieni-listapadzie 2011 hoda ŭ Biełarusi ŭviedziena ŭ stroj 4 młn. 566,9 tys. kv. m žylla, ci 60,9% da hadavoha zadańnia (7,5 młn. kv. m).

Kamientary da artykuła