Prajmieryz respublikancaŭ: u Ajovie Romni abahnaŭ Santoruma ŭsiaho na 8 hałasoŭ

U amierykanskim štacie Ajova adbylisia caucuses (schody partyjnych aktyvistaŭ napiaredadni prajmieryz) Respublikanskaj partyi, pa vynikach jakich va ŭnutrypartyjnaj prezidenckaj honcy lidzirujuć były hubiernatar štata Masačusets Mit Romni i były sienatar ad štata Piensilvanija Ryk Santorum.

Abodva kandydaty nabrali pa 25% hałasoŭ. Romni abahnaŭ Santoruma ŭsiaho na 8 hałasoŭ (30015 suprać 30007).

Da padtrymki Romni schilajucca biznes-koły, Santorum abapirajecca na sacyjalnych kansiervataraŭ — chryścijan viery jevanhielskaj, praciŭnikaŭ abortaŭ i adnapołych šlubaŭ, prychilnikaŭ prava na našeńnie zbroi i śmiarotnaha pakarańnia.

Treciaje miesca zaniaŭ kanhresmien Ron Poł z 22% hałasami.

Paśla praviadzieńnia caucuses mnohija kandydaty admaŭlajucca ad prezidenckaj honki. Tak, hubiernatar štata Techas Ryk Pery, jaki zaniaŭ tolki piataje miesca, zajaviŭ, što maje namier viarnucca dadomu i praanalizavać vynik ciapierašnich vybaraŭ.

«Ja viartajusia ŭ Techas i padumaju nad vynikami hałasavańnia, a taksama nad tym, ci treba mnie praciahvać dalejšuju prezidenckuju honku», — zajaviŭ Pery, jaki nabraŭ kala 10% hałasoŭ.

Kamientary da artykuła