Ranicaj ŭ Minsku pad kołami aŭtamabila zahinuŭ piešachod
Ranicaj 4 studzienia ŭ Minsku na pierachodzie pa vulicy Vaniejeva pad kołami "Sieata" zahinuŭ piešachod.
Jak paviedamili ŭ adździele DAI Partyzanskaha RUUS Minska, 27-hadovy minčanin na aŭtamabili "Sieat Ibica" ruchaŭsia pa Vaniejeva z boku Partyzanskaha praśpiekta ŭ napramku vulicy Daŭhabrodskaj. Na nierehulavanym piešachodnym pierachodzie nasuprać doma №12 jon ździejśniŭ najezd na 48-hadovuju žančynu, jakaja pierasiakała prajeznuju častku. Ad udaru piešachoda adkinuła prykładna na 20 mietraŭ napierad, u vyniku čaho žančyna pamierła na miescy zdareńnia.
Jak rastłumačyŭ kiroŭca, jon ruchaŭsia z chutkaściu 60-65 km/h. Ale z-za drennych umoŭ nadvorja (na vulicy jašče było ciomna, išoŭ mokry śnieh) małady čałaviek nie zaŭvažyŭ piešachoda.
Ciapier pa fakcie DTZ pravodzicca raźbiralnictva. Kiroŭca "Sieata" atrymaŭ vadzicielskaje paśviedčańnie tolki čatyry miesiacy tamu.