Łukašenka narakaje, što prajekty z Kitajem nie ruchajucca, pahražaje «vybirać»

«Bo my znachodzimsia ŭ centry Jeŭropy, prapanovaŭ šmat».

Alaksandr Łukašenka prapanoŭvaje Kitaju paskoryć realizacyju šerahu sumiesnych prajektaŭ, u pryvatnaści, budaŭnictva kitajskaha technaparku pad Minskam.

«Nam treba hety etap prachodzić chutčej. Toj ža technapark treba pačynać budavać. Bo my znachodzimsia ŭ centry Jeŭropy, prapanovaŭ šmat i nam davodzicca vybirać. Ale nam treba heta zdužać z kitajcami, tamu što heta našy ludzi, našy siabry», — zajaviŭ Łukašenka ŭ intervju kitajskim ŚMI.

Jon zavablivaŭ kitajcaŭ udziełam u realizacyi prajekta «Minsk-Sici». «My vielmi zacikaŭleny, kab kitajcy pryjechali i dapamahli nam pabudavać. Chaj Kitaj finansuje, buduje i pradaje zatym hetyja płoščy, my nie suprać pieradać hetuju budoŭlu vam, sumiesna ź inšymi kampanijami», — skazaŭ A. Łukašenka.

«Minsk-Sici» — heta kvartał, zadumany na miescy staroha aeraporta, što akazaŭsia ciapier u siaredzinie stalicy. Spačatku mierkavałasia, što «Itera» zbuduje tam supiersučasny biznes-kvartał, było šmat bravady i pieradvybarnaha šumu, paśla prajekt ssochsia da čarhovaha mikrarajona «panelnych damoŭ palepšanaj płaniroŭki», ale navat i hetaja sprava topčacca na miescy.

«My viedajem, u jakim kirunku ruchacca. Čaho brakuje? Tempaŭ. Žyćcio bušuje, i tamu, kali dzieści spaźniŭsia, to potym nie dahoniš», — prazrysta namiakaŭ kitajcam Łukašenka.

Kamientary da artykuła