Kodak padaŭ pazoŭ ab bankructvie
Amierykanskaja kampanija Kodak, zasnavanaja ŭ 1880 h., padała pazoŭ ab bankructvie ŭ sud, paprasiŭšy ułady abaranić karparacyju ad kredytoraŭ, paviedamlaje ahienctva Bloomberg. U Kodak sabrałasia $ 6,8 młrd daŭhoŭ pry ahulnym abjomie aktyvaŭ $5,1 młrd.
«Jany byli kampanijaj, zachrasłaj u minułym», -- miarkuje ekśpiert Robiert Barli z univiersiteta Rejrsan. «Historyja była takaja važnaja im, ich viekavaja historyja, za jakuju jany paśpieli zrabić mnostva vydatnych rečaŭ, ...a zaraz ich historyja pieratvaryłasia ŭ zapazyčanaści», -- kaža jon.
U pačatku tydnia Kodak paviedamiŭ pra atrymańnie kredytu $950 młn ad Citigroup, jaki moža dapamahčy kampanii dać rady prablemam.
Ekśpierty miarkujuć,
što dla taho kab raspłacicca z daŭhami, znakamity vytvorca fotatechniki pradaść bolšaść patentaŭ na ŭłasnyja tavary kankurentam, uklučajučy Canon.
Akcyi Kodak za minuły hod abvalilisia na 91%, adznačaje Bloomberg.