U Vałožynskim rajonie pry łabavym sutyknieńni fury i lehkavika mocna paciarpieła 4-hadovaje dzicia

Chłopčyk znachodzicca ŭ reanimacyi ŭ vielmi ciažkim stanie.

Na 56-m km trasy Minsk — Hrodna 18 studzienia kala 20.00 fura «Mersedes-Benc» pad kiravańniem 43-hadovaha hramadzianina Ukrainy straciła kiravańnie, vyjechała na sustrečnuju pałasu i sutyknułasia z aŭtamabilem «Sieat». U lehkavym aŭtamabili jechaŭ mužčyna z 4-hadovym synam.

U vyniku avaryi mužčyna atrymaŭ zakryty pierałom hrudziny i byŭ dastaŭleny ŭ balnicu. Dzicia z zakrytaj čerapna-mazhavoj traŭmaj ciažkaj stupieni, pierałomam zvodu čerapa znachodzicca ŭ reanimacyi ŭ vielmi ciažkim stanie.

Pa słovach inśpiektaraŭ, u lehkavym aŭtamabili nie vykarystoŭvaŭsia śpiecyjalny fatel dla dziaciej, a chłopčyk navat nie byŭ pryšpileny.

Kamientary da artykuła