Ź Jaŭhienam Vaśkovičam sustrełasia maci
18 studzienia asudžany aktyvist niezarehistravanaj partyi «Biełaruskaja chryścijanskaja demakratyja» Jaŭhien Vaśkovič sustreŭsia ŭ mahiloŭskaj papraŭčaj ustanovie «Turma № 4» z maci. Pavodle Rušańni Ivanaŭny, spatkańnie doŭžyłasia bolš za hadzinu. Jano pieršaje za čas synavaha źniavoleńnia.
«Trymajecca jon małajcom. Ja čakała horšaha. Pierakazvaŭ usim na voli vializnyja vitańni, vinšavaŭ z praminułymi śviatami, dziakavaŭ za dopisy i dapamohu. U kamiery ich troje. Jak ja zrazumieła, i televizar tam jość, i knihi čytajuć, haziety atrymlivajuć. Naviny jon viedaje. Ad 10 śniežnia da
«Matula, nie pieražyvaj — vam tam horš, čym mnie tut»,— paviedamiła pra spatkańnie Rušańnia Ivanaŭna.
***
Jaŭhiena Vaśkoviča zatrymali letaś 17 studzienia i asudzili na dziesiać sutak aryštu nibyta za drobnaje chulihanstva. 16 studzienia jon udzielničaŭ u Mahilovie ŭ akcyi salidarnaści z palitviaźniami. Kali ž jon adbyŭ administracyjny aryšt, jaho pakinuli ŭ niavoli, a paźniej vystavili abvinavačvańnie pavodle artykuła «Złosnaje chulihanstva».
U traŭni 2011 hoda Jaŭhiena Vaśkoviča i dvuch prychilnikaŭ idejaŭ anarchizmu, Arcioma Prakapienku i Paŭła Syramałotava, Babrujski sud pryznaŭ vinavatymi ŭ złosnym chulihanstvie i ŭ naŭmysnym naniasieńni škody ŭ asabliva bujnych pamierach. Usim trom prysudzili pa siem hadoŭ pazbaŭleńnia voli ŭzmocnienaha režymu za napad na budynak babrujskaha KDB. Śledstva vyjaviła, što ŭ noč z 16 na 17 kastryčnika 2010 hoda chłopcy kinuli ŭ budynak babrujskaha KDB dźvie butelki z «kaktejlem Mołatava».
Vaśkovič pryznaŭ fakt napadu, ale nie pakajaŭsia.