Pavialičyć płatu za navučańnie ŭ VNU płanujecca z 1 lutaha
Jak paviedamiła pres-sakratar Ministerstva adukacyi Julija Vanina, viedamstva zaviaršaje manitorynh uzroŭniu cen na płatnaje navučańnie ŭ VNU. Jon dazvolić sabrać prapanovy pa pavieličeńni koštu navučańnia ad kožnaj navučalnaj ustanovy i acanić abhruntavanaść hetaha. Pamier pavieličeńnia koštu navučańnia ŭ VNU płanujecca vyznačyć da 25 studzienia. Jon budzie vahacca ŭ zaležnaści ad typu ŭstanovy adukacyi. Niekatoryja VNU mohuć pryniać rašeńnie nie pavyšać płatu za navučańnie ź lutaha, bo papiaredniaje jaje pavieličeńnie 1 listapada było dastatkovym dla kampiensavańnia raschodaŭ, adznačyła Vanina. Jana padkreśliła, što ŭ studzieni košt navučańnia ŭ VNU pavyšać nie płanujecca.
Pavodle słoŭ Vaninaj,
nieabchodnaść pavieličeńnia płaty za navučańnie ŭ VNU tłumačycca pavyšeńniem 1 studzienia taryfnaj staŭki pieršaha razradu na 32,5% (sa 151 tys. da 200 tys. rubloŭ),rostam apłaty pracy piedahahičnych rabotnikaŭ ź liku prafiesarska-vykładčyckaha składu VNU, jakija nie majuć vučonaj stupieni abo vučonaha zvańnia, na 50%, a taksama ŭ suviazi z pavyšeńniem inšych cen i taryfaŭ na raboty i pasłuhi, u tym liku na kamunalnyja.
Apošnim razam košt navučańnia ŭ VNU i SSNU pavyšaŭsia 1 kastryčnika abo 1 listapada 2011 hoda(u zaležnaści ad rašeńnia administracyi ŭstanovy adukacyi). Pieraraźlik byŭ ažyćcioŭleny ŭ suviazi z pavieličeńniem 1 kastryčnika 2011 hoda staŭki pieršaha razradu na 28%, cen i taryfaŭ na pasłuhi. Tady Ministerstva adukacyi rekamiendavała VNU i SSNU nie pavialičvać košt navučańnia bolš jak na 25%.