U Stolinie pjany kiroŭca na lehkaviku źbiŭ žančynu i pasprabavaŭ źbiehčy +fota
Jahonyja pasažyry nie pračnulisia navat u momant avaryi, ich razbudzili DAIšniki.
18 studzienia ŭ Stolinie niećviarozy kiroŭca 1983 h.n. na «Reno» ź vioski Alšany spravakavaŭ avaryju, u jakoj paciarpieŭ piešachod, paviedamlaje DAI Bresckaj vobłaści. Pry abhonie jon nie spraviŭsia z kiravańniem i sutyknuŭsia z hruzavikom, jaki jechaŭ u spadarožnym nakirunku. Paśla hetaha «Reno» vylecieŭ na chodniki, dzie źbiŭ žančynu 1952 h.n., a potym prataraniŭ bietonnuju aharodžu. Za dziesiać chvilin da hetaha hety lehkavik sprabavaŭ spynić inśpiektar DAI, ale kiroŭca praihnaravaŭ patrabavańnie spynicca i pajechaŭ dalej.
Jak paviedamlaje partał Auto.onlinet.by, žančyna atrymała ciažkija traŭmy i była špitalizavanaja. Kiroŭca lehkavika pasprabavaŭ źbiehčy, ale jaho zatrymali minaki.
U sałonie raźbitaha aŭto supracoŭniki DAI znajšli troch pasažyraŭ, jakija spali. Jany nie pračnulisia navat tady, kali aŭto pa čarzie sutyknułasia z hruzavikom, piešachodam i aharodžaj.
Jak vyśvietliłasia ŭ chodzie pravierki, u kryvi kiroŭcy znajšli 1,81 pramile ałkaholu. U mai 2011 jon na try hady byŭ pazbaŭleny paśviedčańnia kiroŭcy za kiravańnie aŭto ŭ niećviarozym stanie.