Baćka palitviaźnia Mikoły Statkieviča adznačaje 85-hodździe
Z hetaj nahody da Viktara Paŭłaviča ŭ Baranavičach zavitali siabry i paplečniki jaho syna, jaki zaraz znachodzicca ŭ turmie.
Fota Intex-press
Jubilar byŭ vielmi ŭzrušany sustrečaj. Pa słovach adnaho z hramadskich aktyvistaŭ Viktara Syrycy, baćka vielmi pieražyvaje za syna, jakoha ciapier pasadzili ŭ karcar.
Viktar Statkievič začytaŭ haściam list, jaki atrymaŭ ad syna 4 studzienia, paviedamlaje Jeŭraradyjo.
***
Nahadajem, što 26 maja 2011 hoda sud Leninskaha rajona Minska pryhavaryŭ Mikałaja Statkieviča da šaści hadoŭ pazbaŭleńnia voli ŭ kałonii ŭzmocnienaha režymu. Sud pryjšoŭ da vysnovy, što mienavita Statkievič razam ź jašče adnym kandydatam u prezidenty, Dźmitryjem Usam, «rychtavali masavyja biesparadki» i ŭznačalvali «biasčynstvujučy natoŭp» padčas šeścia pa praśpiekcie Niezaležnaści 19 śniežnia 2010 hoda.
12 studzienia 2012 hoda Statkieviču zrabili bolš žorstkim pakarańnie — jaho pieraviali (sudździa — Vital Vołkaŭ) na turemny režym adbyćcia pakarańnia terminam na try hady.
Pryčynaj bolš žorstkaha pakarańnia Statkieviču stała aficyjnaje pradstaŭleńnie administracyi škłoŭskaj kałonii, u jakim skazana, što asudžany palityk «nie staŭ na šlach vypraŭleńnia», «da ŭmoŭna-daterminovaha vyzvaleńnia nie imkniecca» i paśla adbyvańnia pakarańnia maje namier «pravodzić złačynny sposab žyćcia».