«Nijakaha čempijanatu śvietu pa chakiei ŭ Biełarusi nie budzie»
Femen pačynaje kampaniju suprać praviadzieńnia ŭ Minsku suśvietnaha pieršynstva.
«My pačynajem maštabnuju kampaniju „Sušycie kluški“. Padrabiaznaści my pakul trymajem u tajamnicy, Alo heta budzie mahutna, heta budzie niazručna i baluča dla biełaruskich čynoŭnikaŭ.
My zrobim usio, kab suśvietnaja hramadskaść viedała, što adbyvajecca ŭ Biełarusi. Nijakaha čempijanatu śvietu pa chakiei ŭ Biełarusi nie budzie», — zajaviła BiełaPAN kiraŭnik ruchu Hanna Hucał.
Kamientujučy pastanovu Jelskaha RAUS ab admovie ŭ zaviadzieńni kryminalnaj spravy pa fakcie incydentu z aktyvistkami ŭkrainskaha ruchu Femen, Hucał skazała:
«My nie ździŭleny. Upeŭnienyja, što naležnaha rasśledavańnia nie pravodziłasia.Z našymi dziaŭčatami nie źviazvalisia, pradastavić miedycynskija zaklučeńni pa ahlad, jakija prachodzili dziaŭčaty, nas taksama nie prasili. Heta ŭsio paćviardžaje, što našych dziaŭčat vykradali śpiecsłužby, a milicyja prostaja prykryła svaich».