Pieršaje ŭ 2012 hodzie piśmovaje papiaredžańnie ŚMI «dastałasia» časopisu «Arche» +kopija dakumienta
Redakcyju «Arche. Pačatak» vinavaciać u parušeńni art. 22 zakona «Ab ŚMI».
Mininfarmacyi znajšło, što ŭ vychodnych dadzienych časopisa №10 za 2011 h. niapravilna ŭkazanyja «najmieńnie respublikanskaha orhana dziaržaŭnaha ŭpraŭleńnia ŭ śfiery masavaj infarmacyi, jaki zarehistravaŭ dadzienaje drukavanaje ŚMI»(to bok — Ministerstva infarmacyi), a taksama «numar i data vydačy paśviedčańnia ab dziaržaŭnaj rehistracyi».
Kiraŭnica adździełu rehistracyi drukavanych ŚMI Taćciana Bondar ŭ hutarcy z pres-słužbaj BAŽ patłumačyła, što zamiest «Ministerstva infarmacyi» ŭ vychodnych dadzienych fihuruje «Ministerstva druku i infarmacyi», i što ŭkazanyja tam ža numar i data rehistracyjnaha paśviedčańnia «Arche» nie adpaviadajuć sapraŭdnym.
Pavodle surazmoŭcy,
ministerstva taksama źviarnuła ŭvahu na toje, jak časopis nazyvaje «administratyŭna-terytaryjalniu adzinku Minsk» (u «Arche» paŭsiul užyvajecca «Miensk»).Ale aficyjna pretenzij z hetaj nahody pakul nie vystaŭlali.
Papiaredžańnie 10 studzienia padpisała pieršaja namieśnica ministra infarmacyi Lilija Ananič. Parušeńni prapanujecca źlikvidavać «pry vypusku čarhovaha numaru časopisa» i ciaham 10-i dzion z momantu jaho vychadu painfarmavać pra heta Mininfarm.
Z dakumienta vynikaje, što heta pieršaje ŭ hetym hodzie piśmovaje papiaredžańnie ŚMI, vyniesienaje ministerstvam.
Nahadajem, što pavodle art. 51 p. 2.2. zakona «Ab ŚMI», vyniasieńnie redakcyi albo zasnavalniku ŚMI na praciahu hoda dvuch i bolš papiaredžańniaŭ moža paciahnuć za saboj spynieńnie vypusku hetaha ŚMI. Pryčym ličycca nie kalandarny hod (z 1 studzienia pa 31 śniežnia), a hod ad daty vyniasieńnia papiaredžańnia.
Hladzi jašče: Biełaruski humanitarny ahlad. Novy numar «ARCHE».