Raspracoŭščyki źmienaŭ u pravapis atrymali premii
Dyrektar Instytuta movy i litaratury imia Ja.Kołasa i Ja.Kupały NAN Biełarusi prafiesar A.Łukašaniec, namieśnik dyrektara Ł.Kuncevič i viadučy navukovy supracoŭnik ustanovy I.Kandracienia adznačany premijaj Nacyjanalnaj akademii navuk 2011 hoda.
Premijaj vučonyja adznačany za cykł rabot «Navukovaje i praktyčnaje zabieśpiačeńnie ŭviadzieńnia ŭ dziejańnie Zakona Respubliki Biełaruś «Ab praviłach biełaruskaj arfahrafii i punktuacyi». Zakon, jak viadoma, byŭ pryniaty jašče ŭ 2008 hodzie, a ŭstupiŭ u dziejańnie 1 vieraśnia minułaha hoda.
Dakumient narabiŭ mnoha šumu, byŭ nieadnaznačna ŭspryniaty hramadskaściu i krytyčna acenieny movaznaŭcami. Jany ŭkazvali na šerah pamyłak i supiarečlivaściaŭ, aŭtaraŭ zakona abvinavačvali ŭ tym, što raspracoŭka źmien biełaruskaha pravapisu adbyvałasia tajna, ich šyrokaje abmierkavańnie adbyłosia paśla taho, jak zakon zaćvierdziŭ parłamient.
Novyja praviły ŭviedzieny ŭ praktyku, płanujecca, što ŭžo ŭ 2013 hodzie centralizavanaje testavańnie pa biełaruskaj movie abituryjenty buduć zdavać pa ich.