200 samazvałaŭ vyvoziać śnieh ź Minska
Paviedamiŭ namieśnik hienieralnaha dyrektara pa ŭtrymańni abjektaŭ haradskoha dobraŭparadkavańnia DVA «Harramaŭtadar» Anatol Žamoździk.
Anatol Žamoździk adznačyŭ, što darožnyja słužby stalicy pracujuć kruhłasutačna ŭ dźvie źmieny. Dla likvidacyi nastupstvaŭ śniehapadu ŭ horadzie vykarystoŭvajecca kala 400 adzinak śpiecyjalizavanaj techniki: śniehapahruzčyki, kambinavanyja darožnyja mašyny, aŭtahrejdary, buldoziery, soleraskidalniki dy inš. U pieršuju čarhu rasčyščajuć centralnyja mahistrali, zatym — druhacnyja vulicy.
Namieśnik hiendyrektara adznačyŭ, što darožnikam davodzicca pracavać u składanych umovach nadvorja. Prybrać prajeznuju častku i tratuary ad śnieha całkam nie ŭjaŭlajecca mahčymym. «Tolki minułaj nočču ŭ Minsku trojčy pieramiatali darohi. Śnieh nie spyniajecca.
Pakul technika źmiacie śnieh i apracuje darohi procihałalodnymi reahientami, treba pačynać hetyja raboty pa novym kole»,— kanstatavaŭ Anatol Žamoździk.
Tym nie mienš darožnyja słužby stalicy hatovyja zabiaśpiečyć paradak na mahistralach. Dla hetych metaŭ zadziejničajuć ŭvieś aŭtapark DVA «Harramaŭtadar» i inšych arhanizacyj.
Dla Minska vyznačana 14 učastkaŭ dla časovaha składvańnia śniehu ŭ zimovy pieryjad, ź ich 11 učastkaŭ — na terytoryi horada i 3 ŭčastki — u Minskim rajonie.