Žurnalist Alaksandr Barazienka vyjšaŭ na volu — fota
Jon byŭ asudžany na 11 sutak administracyjnaha aryštu pa abvinavačvańni va ŭdziele ŭ pikiecie.
Fota Aleny Jakžyk, «Salidarnaść».
Fota Aleny Jakžyk, «Salidarnaść».
Žurnalist Alaksandr Barazienka, zatrymany 8 studzienia ŭ Minsku kala budynka KDB u časie aśviatleńnia niesankcyjanavanaj akcyi, vyjšaŭ u čaćvier 19 studzienia na svabodu, paviedamlaje «Salidarnaść».
Na voli jaho sustrakali blizkija, siabry i kalehi. U bližejšy čas žurnalist źbirajecca adpravicca ŭ RUUS Centralnaha rajona, kab zabrać svaje rečy i kamieru.
Jon budzie asprečvać svoj prysud (sudździa Centralnaha rajona Alaksandr Chadanovič) i aryšt. Žurnalist nastojvaje, što 8 studzienia jon vykonvaŭ svoj žurnaliscki abaviazak i nie ŭdzielničaŭ u pikieckie.
U časie adbyvańnia pakarańnia žurnalist trymaŭ haładoŭku. Na jaho aryšt adreahavała Mižnarodnaja pravaabarončaja arhanizacyja «Kamitet abarony žurnalistaŭ» (ZŠA), jakaja zaklikała biełaruskija ŭłady vyzvalić Barazienku.