Padazravanamu ŭ zabojstvie 13-hadovaj Julii Lašuk vystaŭlena abvinavačańnie
19 studzieniaPra heta paviedamiŭ načalnik adździeła infarmacyi i suviazi z hramadskaściu Śledčaha kamiteta Biełarusi Pavieł Travulka.17-hadovamu žycharu vioski Ladziec Stolinskaha rajona Bresckaj vobłaści vystaŭlena abvinavačańnie ŭ zabojstvie (č. 1 art. 139 Kryminalnaha kodeksa)13-hadovaj miascovaj žycharki Julii Lašuk, vučanicy8-ha kłasa Ladzieckaj siaredniaj škoły.
Nahadajem, dziaŭčynka 1 studzienia kala hadziny nočy pajšła ŭ miascovy Dom kultury i nie viarnułasia. Upraŭleńniem Śledčaha kamiteta pa Bresckaj vobłaści była raspačata sprava pa č. 1 art. 139 Kryminalnaha kodeksa (zabojstva). Praź niekalki dzion pa padazreńni va ŭčynieńni złačynstva byŭ zatrymany mužčyna, adnak, jak pakazała ekśpiertyza, kroŭ na jaho adzieńni nie naležyć źnikłaj dziaŭčyncy. Tamu 6 studzienia jon byŭ adpuščany ź izalatara časovaha ŭtrymańnia.
15 studzienia pa padazreńni ŭ zabojstvie byŭ zatrymany adnaviaskoviec źnikłaj dziaŭčynki, chłopiec 1994 hoda naradžeńnia. Jon ukazaŭ miesca, dzie znachodzicca cieła. Trup školnicy byŭ zakapany niedaloka ad vioski.