U padmaskoŭnych Myciščach da śmierci zamiorz na vulicy aktor z «Hłuchara» i «Internaŭ»
Mocnyja marazy stajać va ŭsioj Uschodniaj Jeŭropie.
Achviarami ekstremalnych tempieratur robiacca nie tolki biazdomnyja, jakim niama dzie schavacca ad choładu, ale i całkam paśpiachovyja ludzi. Tak, napiaredadni stała viadoma, što ŭ padmaskoŭnych Myciščach zamiorz na vulicy
Anatol Atradnaŭ vyjšaŭ z domu 29 studzienia i nie viarnuŭsia. Jaho znajšli miortvym na nastupny dzień. Śladoŭ hvałtu na ciele vyjaŭlena nie było. Mierkavanaja pryčyna śmierci — pieraachaładžeńnie. Pa słovach siabroŭ, mužčyna nie złoŭžyvaŭ śpirtnymi napojami. Vierahodna, jamu mahło stać kiepska z sercam, jon upaŭ, straciŭ prytomnaść i nieŭzabavie da śmierci zamiorz.
U kišeniach u niabožčyka nie było dakumientaŭ, tamu spačatku jon ličyŭsia jak nieviadomy. Aktora z «Internaŭ» u im apaznali daktary — rabotniki morha. A nieŭzabavie uźbiekskija hastarbajtary prynieśli ŭ milicyju pašpart i mabilny telefon Atradnava.
Atradnaŭ nie dažyŭ adnaho miesiaca da tryccaci hadoŭ i krychu mienš za paŭhoda — da naradžeńnia dziciaci. U jaho zastałasia ciažarnaja žonka. Raźvitańnie z aktoram adbudziecca ŭ piatnicu ŭ Myciščach, a pachavajuć jaho na radzimie — u horadzie Reŭda Śviardłoŭskaj vobłaści.