U čatyroch rajonach Bresckaj vobłaści z-za marazoŭ admienieny zaniatki ŭ škołach

Zaniatki admienienyja ŭ Baranavickim, Hancavickim, Ivanaŭskim i Pinskim rajonach.

Jak paviedamili va ŭpraŭleńni adukacyi Bresckaha abłvykankama, siońnia taksama nie zajmajucca vučni pačatkovych kłasaŭ u Pružanskim, Stolinskim rajonach, Baranavičach i Pinsku.

Aprača taho, jašče ŭ piaci rajonach zaniatki poŭnaściu admienieny ŭ 23 škołach. U ich liku 15 — u Lachavickim, try — u Stolinskim, pa dźvie — u Bresckim i Małaryckim, adna ŭ Biarozaŭskim rajonach. U dźviuch viaskovych siarednich škołach Lachavickaha rajona (Lipskaj i Śviacickaj) siońnia nie zajmajucca vučni 1-ha — 4-ha kłasaŭ.

Z 2 pa 8 lutaha dla vučniaŭ 1-ha — 2-ha kłasaŭ abjaŭleny dadatkovyja kanikuły ŭ škołach u dvuch rajonach: Drahičynskim i Łuninieckim i ŭ dźviuch — Małaryckaha rajona.

U zvyčajnym režymie pracujuć ustanovy adukacyi Žabinkaŭskaha, Ivacevickaha, Kamianieckaha, Kobrynskaha rajonaŭ i horada Bresta.

Kamientary da artykuła