Za minułyja sutki ŭ Minsku špitalizavanyja čatyry čałavieki z abmarožańniami
Za minułyja sutki ŭ balnicu chutkaj miedycynskaj dapamohi (BCHMP) u Minsku pastupili vosiem čałaviek z chaładovymi traŭmami, ź ich čaćviora špitalizavanyja, paviedamiŭ namieśnik hałoŭnaha ŭrača pa chirurhii balnicy Ihar Šymanski.
Pavodle jaho słoŭ, usiaho ŭ BCHMP z abmarožańniami zaraz znachodziacca 15 čałaviek. Asnoŭny vid traŭm — abmarožańnie kaniečnaściaŭ. Niekatoryja z tych, jakija pastupili na lačeńnie, byli ŭ stanie ałkaholnaha apjanieńnia, zaznačyŭ namieśnik hałoŭnaha ŭrača. Pryčyna traŭm — praciahłaje znachodžańnie na vulicy pry nizkich tempieraturach u adzieńni, jakoje nie adpaviadała nadvorju, padkreśliŭ urač. Jon zaznačyŭ, što ciažkich abmarožańniaŭ niama.
Jak paviedamiŭ Biełhidramieteacentr, 3 lutaha zachavajecca vielmi chałodnaje nadvorje. Dniom tempieratura pavietra minus 15–21°S, u asobnych rajonach da minus 23°S.
U subotu, 4 lutaha, tempieratura pavietra nočču składzie minus 22–29°S, pa paŭnočnym zachadzie pry prajaśnieńniach da minus 30–32°S; dniom minus 15–20°S; pa paŭdniovym uschodzie nočču minus 16–21°S, dniom minus 10–14°S.
U niadzielu, 5 lutaha, čakajecca nievialikaje asłableńnie marazoŭ. Tempieratura pavietra nočču minus 15–22°S, pa paŭnočnym zachadzie pry prajaśnieńniach da minus 23–28°S, dniom minus 11–18°S; pa paŭdniovym uschodzie nočču minus 9–14°S, dniom minus 5–10°S.