Były milicyjant Kazłoŭ sudzicca
3 lutaha ŭ Minskim haradskim sudzie pavinien adbycca razhlad kasacyjnaj skarhi padpałkoŭnika milicyi ŭ zapasie Mikałaja Kazłova. Kazłoŭ sprabuje dakazać, što 19 śniežnia 2011 hoda jaho zatrymali niezakonna.
Paźniej byłoha milicyjaniera aryštavali na 5 sutak.
Kazłova ludzi ŭ cyvilnym zatrymali 19 śniežnia 2011 hoda na piešachodnym pierachodzie kala Kastryčnickaj płoščy. A ŭ milicejskim raparcie napisali, što jaho zatrymali la Čyrvonaha kaścioła (u toj viečar la kaścioła prachodziła akcyja salidarnaści z palitviaźniami).
Zatrymali Kazłova za toje, što jon, nibyta, maciukaŭsia i parušaŭ hramadski paradak.
Padpałkoŭnik milicyi ŭ zapasie Mikałaj Kazłoŭ staŭ viadomy ŭ 2010 hodzie, kali napiaredadni prezidenckich vybaraŭ raspavioŭ pra toje, jak adbyvalisia falšavańni ŭ časie daterminovaha hałasavańnia ŭ pałatu pradstaŭnikoŭ u vieraśni 2008-ha.