Videarehistratar zafiksavaŭ momant avaryi na MKAD
Heta druhoje zdareńnie na praciahu miesiaca na hetym samym miescy.
Surjoznaja avaryja zdaryłasia ranicaj u piatnicu 3 lutaha na MKAD u rajonie Łošycy, paviedamlaje partał Auto.onliner.by. Paźbiahajučy sutyknieńnia z aŭto, jakoje stajała na ŭzbočynie z uklučanaj avaryjnaj sihnalizacyjaj, kiroŭca mikraaŭtobusa rezka zbočyŭ uprava. U vyniku mikraŭtobus pierakuliŭsia. Zdareńnie zafiksavaŭ videarehistratar adnaho z aŭtamabila, što prajazdžaŭ u hety momant pobač.
U DAI Leninskaha rajona partału paviedamili, što inśpiektary nie vyjazdžali na miesca zdareńnia.
U siaredzinie studzienia ŭ hetym samym miescy adbyłasia avaryja z udziełam hruzavika. Kiroŭca fury nie spraviŭsia z kiravańniem, hruzavik zaniesła, jon źnios słup i źlacieŭ na ŭzbočynu. U tym zdareńni nichto nie paciarpieŭ.
Hladzi taksama: DAI abmiažoŭvaje chutkaść na MKAD da 50, u Minsku — da 40, na trasach vobłaści — da 70 km/h