Maskva ratuje Łukašenku: Biełaruś atrymała lhotnyja ceny na naftu na čatyry hady
Pra heta paviedamiŭ siońnia staršynia kancerna «Biełnaftachim» Ihar Žylin.
«Na 2012–2015 hady my zmahli damovicca pra vielmi dobryja ŭmovy pastaŭki nafty na naš rynak, — skazaŭ Ihar Žylin. — My atrymali ŭsie abjomy, jany pavialičanyja na 12 pracentaŭ u paraŭnańni ź minułym hodam. I my, zrazumieła, atrymali lhotnyja ceny na naftapradukty na čatyry hady».
Ciapierašnija ceny na naftu dla Biełarusi prykładna roŭnyja ŭnutranym cenam Rasii, udakładniŭ staršynia «Biełnaftachima». Dla Biełarusi cana na naftu na $400 nižejšaja, čym cana nafty na vonkavym rynku,heta značyć «nižejšaja, čym ekspartnaja cana nafty Rasii ŭ sumiežnyja krainy». Heta daje mahčymaść Biełarusi bolš rentabielna pierapracoŭvać naftu i atrymlivać vialiki dachod, adznačyŭ Ihar Žylin.