U Baranavičach za «samaŭpraŭstva» sudziać Mikołu Čarnavusa
U baranavickim sudzie adbyłosia pasiedžańnie pa spravie aktyŭnaha dziejača ŭkrainskaj hramady Mikoły Čarnavusa. Jaho vinavaciać u samaŭpraŭstvie.
Sudździa Stanisłaŭ Pivavar vyrašyŭ, što nieabchodna apytać pradstaŭnika harvykankamu i milicyjanta, jaki składaŭ pratakoł na Čarnavusa. Tamu sudździa pieranios dalejšaje pasiedžańnie na 10 lutaha.
Mikoła Čarnavus kaža, što samaŭpraŭstva ŭ jahonych dziejańniach uhledzieli ŭ tym, što jon vioŭ aktyŭnuju pierapisku z harvykankamam, padpisvajučysia staršynioj niezarehistravanaha hramadzkaha abjadnańnia «Kabzar».
Aktyvisty hetaha abjadnańnia dabivajucca rehistracyi ŭžo hod. Dla hetaha im patrebnaje pamiaškańnie dla jurydyčnaha adrasu. Mikoła Čarnavus pierakanany, što miascovyja ŭłady metanakiravana čyniać pieraškody, kab nie rehistravać abjadnańnie.