«Kupałaŭskija vakacyi» — 1 sakavika

1 sakavika, a 18-j hadzinie ŭ Dziaržaŭnym litaraturnym muziei Janki Kupały adbudziecca pieršy etap konkursu aŭtarskaj pieśni «Kupałaŭskija vakacyi»,

arhanizatarami jakoha vystupili Ministerstva kultury Respubliki Biełaruś, Dziaržaŭny litaraturny muziej Janki Kupały, Maładziečanski rajonny vykanaŭčy kamitet, Centralny kamitet Biełaruskaha prafsajuza rabotnikaŭ kultury, haziety «Sovietskaja Biełoruśsija», «Turizm i otdych», turystyčnaja kampanija «Pegas Touristik», Narodny litaraturny teatr «Žyvoje słova» BDPU imia M.Tanka, TDA «Ekstrym TV».

Udzieł u fiestyvali prymajuć vykanaŭcy biez abmiežavańnia ŭzrostu, što pracujuć u žanry aŭtarskaj pieśni. Adzinaja i abaviazkovaja ŭmova dla kožnaha ŭdzielnika — vykanańnie dvuch tvoraŭ mienavita na biełaruskaj movie, bo arhanizatary fiestyvalu imknucca da papularyzacyi nacyjanalnaj historyka-kulturnaj spadčyny krainy, rodnaj movy i litaratury.

Finalny, zaklučny etap konkursu projdzie na bazie filijała Dziaržaŭnaha litaraturnaha muzieja Janki Kupały «Viazynka», dzie adbudziecca padviadzieńnie vynikaŭ i ŭznaharodžańnie pieramožcaŭ dypłomami i kaštoŭnymi padarunkami. Uznaharodžańnie budzie pravodzicca pa nastupnych naminacyjach:

• lepšaje vykanańnie pieśni na słovy Janki Kupały;

• lepšaja aŭtarskaja pieśnia;

• lepšaje spałučeńnie tekstu i muzyki;

• lepšaja prezientacyja pieśni.

U prahramie kancerta majstar-kłas ad Alesia Kamockaha i Volhi Akulič.

Padrabiaznaści na sajcie muzieja: kupala-museum.by.

Uvachod volny.

Kamientary da artykuła