Andrej Kaścicyn debiutavaŭ za «Nešvił»

27-hadovy biełaruski forvard Andrej Kaścicyn, abmienieny dniami z «Manreala» ŭ «Nešvił», debiutavaŭ za svoj novy kłub u noč z 28 na 29 lutaha pa minskim časie ŭ matčy suprać «Karaliny».

Debiut atrymaŭsia nie samym paśpiachovym: «Nešvił» prajhraŭ (3:4), a Andrej, pravioŭšy na lodzie ŭ hetaj sustrečy krychu bolš za 12 chvilin, vynikovymi bałami nie vyznačyŭsia. Małodšy z bratoŭ Kaścicynych 24-hadovy Siarhiej, jaki taksama vystupaje za «Nešvił», zhulaŭ suprać «Karaliny» 16 z pałovaj chvilin, nie papoŭniŭšy svoj ačkovy bahaž. Usiaho na rachunku Siarhieja 36 (15+21) bałaŭ u 58 sustrečach, u Andreja — 24 (12+12) ački ŭ 54 hulniach. «Nešvił» zajmaje piataje miesca ŭ Zachodniaj kanfierencyi.

Taksama ŭ noč z aŭtorka na sieradu «Taronta», čyje kolery abaraniaje 28-hadovy biełarus Michaił Hraboŭski, sastupiŭ «Fłarydzie» (3:5). Hraboŭski pravioŭ na lodzie amal 19 chvilin i zrabiŭ vynikovuju pieradaču. Michaił na hety momant źjaŭlajecca samym vynikovym ź biełarusaŭ u biahučym siezonie — u jaho 41 (18+23) ačko ŭ 57 pajadynkach. «Taronta» idzie 10-m va Uschodniaj kanfierencyi.

Kamientary da artykuła