Biełaruś pavyšaje ekspartnyja pošliny na naftu i naftapradukty
Biełaruś z 1 sakavika 2012 hoda pavyšaje ekspartnyja pošliny na naftu i naftapradukty. Takoje rašeńnie źmieščana ŭ pastanovie Savieta Ministraŭ № 184 ad 27 listapada 2012 hoda.
Ekspartnaja pošlina na naftu z 1 sakavika zhodna z dakumientam vyraście z $393,7 da $411,2 za 1 t. Adzinaja staŭka ekspartnaj pošliny na śvietłyja i ciomnyja naftapradukty (akramia bienzinu), jakaja z 1 kastryčnika 2011 hoda ŭnifikavana na ŭzroŭni 66 pracentaŭ ad pošliny na naftu, z 1 sakavika składzie $271,4 za 1 t suprać $259,8 u lutym
Pastanovaj uniesieny źmianieńni ŭ pastanovu Savieta Ministraŭ № 1932 ad 31 śniežnia 2010 hoda «Ab ustanaŭleńni stavak vyvaznych mytnych pošlin adnosna nafty syroj i asobnych katehoryj tavaraŭ, vypracavanych z nafty, i pryznańni straciŭšymi siłu niekatorych pastanoŭ Savieta Ministraŭ Respubliki Biełaruś». Dakumient pryniaty ŭ adpaviednaści z ukazam numar 716 ad 31 śniežnia 2010 hoda «Ab staŭkach vyvaznych mytnych pošlin».
Z 1 kastryčnika 2011 hoda Biełaruś uśled za Rasijaj ažyćciaŭlaje raźlik ekspartnych pošlin na naftu i naftapradukty pa formule «60/66». Razmova idzie ab pradukcyi, jakaja vyvozicca z terytoryi respubliki za miežy mytnaj terytoryi Mytnaha sajuza. Formuła raźliku praduhledžvaje, što staŭka ekspartnych pošlin na śvietłyja i ciomnyja naftapradukty ŭnifikujecca i raźličvajecca z kaeficyjentam 0,66 (66%) ad staŭki pošliny na naftu. Adnačasova z 1 kastryčnika ekspartnaja pošlina na naftu była źnižana šlacham skaračeńnia pracenta ad roźnicy pamiž canoj manitorynhu nafty i canoj adsiačeńnia z 65 pracentaŭ da 60 pracentaŭ. Pry hetym kaeficyjent raźliku staŭki pošliny na bienziny składaje 0,90 (90%).