Sud nad Małčanavym čakajecca ciaham miesiaca
Były palitviazień abvinavačvajecca ŭ kradziažy mietałałomu.
Pravaabaronca Nasta Łojka paviedamiła, što sud nad Alaksandram Małčanavym čakajecca ciaham sakavika. Jaho abvinavačvajuć pa častcy 2 artykuła 205 Kryminalnaha kodeksa (kradziež, ździejśnieny hrupaj asobaŭ). Byłoha palitviaźnia razam ź jašče adnym čałaviekam zatrymali na terytoryi kuźniečnaha zavoda ŭ Žodzinie ŭ pačatku studzienia.
Ciapier jon znachodzicca ŭ SIZA ŭ Žodzinie.
Maci byłoha palitviaźnia Halina Andrejeŭna skazała, što za paŭtara miesiaca atrymała ad syna tolki dva listy. Ale jon nie piša ničoha peŭnaha, u tym liku i pra samaadčuvańnie.
Alaksandr Małčanaŭ byŭ asudžany pa spravie 19 śniežnia na 3 hady kałonii. Vyzvaleny ŭ vieraśni zahadam Łukašenki. Prašeńnie ab pamiłavańni nie padpisaŭ. Paśla vyzvaleńnia jon niejki čas pravioŭ u IČU Barysa — jaho padazravali ŭ abrazie dziaržaŭnaha ściaha. Kryminalnuju spravu spačatku spynili praz adsutnaść dokazaŭ, a zatym znoŭ adnavili. Na svabodzie jon nie moh uładkavacca na pracu — jaho nie chacieli nikudy brać.
Kali vinu Alaksandra dakažuć, jamu
pahražaje pakarańnie ŭ vyhladzie papraŭčych rabot na termin da dvuch hadoŭ, albo aryšt ad troch da šaści miesiacaŭ, albo abmiežavańnie svabody na termin da čatyroch hadoŭ, albo pazbaŭleńnie svabody da čatyroch hadoŭ.