Paciarpiełym ad vybuchu pad Łahojskam vypłacili 46 młn rubloŭ
A razburany internat na miescy zdareńnia vyrašana adbudavać.
Chacia raniej staršynia Minskaha abłvykankama Barys Batura i zajaŭlaŭ pra vierahodnaść kupli dla žycharoŭ razburanaha doma novych kvater. U trochpaviarchovym panelnym budynku pry vybuchu byli paškodžanyja siem kvater, abvalilisia plity pierakryćcia
Staršynia Savieta deputataŭ Łahojskaha rajona Piatro Vabiščevič paviedamiŭ, što žychary internata atrymali materyjalnuju vypłatu ŭ pamiery 46 młn. rubloŭ. 5 siemjaŭ — pa 4 młn i 13 siemjaŭ — pa 2 młn. Taksama byŭ adkryty dabračynny rachunak. Pa słovach namieśnika staršyni Łahojskaha rajvykankama Siarhieja Kulinkoviča, hrošy na rachunak usio jašče pastupajuć. Pa stanie na 27 lutaha, pieraličyli amal 11 młn rubloŭ.
Miarkujecca, što sabranyja hrošy pojduć na pakryćcio roznych vydatkaŭ paciarpiełym, u tym liku ŭ apłatu časovaha žytła. Častka ludziej ciapier žyvie ŭ miascovaj haścinicy. Ź jaje administracyjaj damoŭlena, što hetyja numary pieraviedzieny ŭ status internata, što adpaviedna nižejšymi robić i ceny na ich. Niekatoryja ludzi žyvuć u svajakoŭ i znajomych, a niechta zdymaje kvatery. Pa słovach Kulinkoviča, rajvykankam hatovy ŭsim žycharam internata vydatkavać 50 pracentaŭ ad cany na zdymnuju kvateru, kali jany źviernucca pa dapamohu. U sanatoryi «Rudnia», kudy zasialili ludziej adrazu paśla vybuchu, nikoha nie zastałosia.
Nahadajem, 8 lutaha ŭ vioscy Malinaŭka Łahojskaha rajona adbyŭsia vybuch u budynku internata vajskovaj čaści.
Najbolš vierahodnaj pryčynaj zdareńnia nazvali vybuch bytavoha hazu praz parušeńnie ekspłuatacyi sistemy hazazabieśpiačeńnia. Zavieziena kryminalnaja sprava.
- Numar dabračynnaha rachunku:
3132061100024, CBP № 611 filijała № 500, Minskaje ŭpraŭleńnie AAT «ASB Biełarusbank», 223141, h. Łahojsk, vuł. Praletarskaja, 1. UNP 100603596, MFA 153001601.