Ad zaŭtra ščupaka łavić zabaroniena
Paśla surovych lutaŭskich marazoŭ usie ź nieciarpieńniem čakajuć nastupleńnia viasny, kali pryhreje sonca, zacurčać krynicy, uskryjucca małyja i vialikija reki.
Pry źjaŭleńni tałaj vady pačynajec bolš intensiŭna ruchacca, karmicca i rychtavacca da štohadovaha nierastu ryba. Pieršym idzie na nierast ščupak.
Jon imkniecca ŭvierch suprać płyni pa rekach i kanałach i, kali znachodzić na miełkavodździ prahretyja miescy, pačynaje nierastavać.
Minskaja abłasnaja inśpiekcyja achovy žyviolnaha i raślinnaha śvietu nahadvaje, što zhodna z Praviłami viadzieńnia rybałoŭnaj haspadarki i rybałoŭstva Respubliki Biełaruś
ustanoŭlena zabarona na łoŭlu ščupaka zvyčajnaha z 1 da 31 sakavika.
Za łoŭlu ščupaka ŭ zabaronieny pieryjad pravaparušalniki mohuć pryciahvacca da administratyŭnaj albo kryminalnaj adkaznaści ŭ zaležnaści ad charaktara pravaparušeńnia.
U adpaviednaści z art.15.35 Kodeksa Respubliki Biełaruś «Ab administratyŭnych pravaparušeńniach», za łoŭlu ryby ŭ zabaronieny čas praduhledžany štraf u pamiery ad dziesiaci da piacidziesiaci bazavych vieličyniaŭ z kanfiskacyjaj pryładaŭ łoŭli ryby albo inšych vodnych žyviołaŭ i inšych pradmietaŭ,
jakija stali pryładaj albo srodkam ździajśnieńnia paznačanaha parušeńnia.
Dziaržaŭny inśpiektar Minskaj abłasnoj inśpiekcyi achovy žyviolnaha i raślinnaha śvietu Vadzim Varabiej