«Kałychanka» viartajecca na Biełaruś-1

1.03.2012 / 8:47

Siarhiej Hiezhała

Na «Biełaruś-2» dziciačaja pieradača pieryjadyčna vypadała z efiru.

Naša Sora to šyje, to pora, a ŭsio nitkam hora, kaža staraja biełaruskaja prymaŭka. Tak i «refarmatarami» biełaruskaha telebačańnia.

Źmianić źmiest nie mohuć, to viečna mianiajuć formu. To kanały pierajmianoŭvajuć, to stylistyku.

Tak i ź pieranosam pieradač. Paśla spraviadlivaj krytyki baćkoŭ narešcie papularnuju pieradaču dla samych maleńkich «Kałychanka» viartajuć nazad na telekanał «Biełaruś-1».

«Kałychanka» — adna z najstarejšych prahram ajčynnaha telebačańnia.

Upieršyniu jana vyjšła ŭ efir u studzieni 1981 hoda, a ŭ 2011-m adznačyła 30-hodździe.

Z sardečnaj pieśniaj «Pakrysie na rasie» vyraśli pakaleńni dziaciej.

Jaje, darečy, taksama sprabavali zamianić na tvor Darafiejevaj, ale paśla taksama viarnuli nazad.

U 2003 hodzie prahramu ź Pieršaha nacyjanalnaha kanała pieranieśli na mienš značny «Ład» (ciapier «Biełaruś-2»).

Heta byŭ tolki adzin z krokaŭ pa źmianšeńni doli biełaruskaj movy na «hałoŭnym kanale». U vyniku,

u suviazi z žyvymi tranślacyjami spartyŭnych spabornictvaŭ na telekanale ŭ viečarovy čas dziciačaja pieradača pieryjadyčna… vypadała z efiru

abo mianiała čas. Choć dzieci pavinny kłaścisia spać u adzin i toj samy čas.

Narešcie novaje kiraŭnictva vyrašyła pajści nasustrač šmatlikim telehledačam i pryniało rašeńnie ab viartańni prahramy na «Biełaruś-1».

Čytajcie taksama:

Kamientary da artykuła