Bankiry prahnazujuć stabilizacyju pracentnych stavak pa kredytach i depazitach da leta-vosieni
ZAT «MTBank» prahnazuje pastupovaje źnižeńnie i stabilizacyju daleta-vosieni 2012 hoda pracentnych stavak pa kredytach i depazitach. Pra heta paviedamiŭ namieśnik staršyni praŭleńnia banka Ihar Byčak 29 lutaha napres-kanfierencyi ŭ Minsku.
Namieśnik staršyni praŭleńnia «MTBanka» taksama adznačyŭ, što letaś va ŭmovach devalvacyi i straty dachodaŭ ludzi dziakujučy vielmi vysokim staŭkam pa depazitach zmahli častkova kampiensavać ułasnyja finansavyja straty. Ź inšaha boku, kredyty taksama vydavalisia pad vielmi vysokija pracenty. «U suviazi z hetym my vielmi spadziajemsia, što hety pieryjad vysokich stavak skončyŭsia, i my prahnazujem da leta ci vosieni hetaha hoda viartańnie pracentnych stavak da čałaviečaha vyhladu», — skazaŭ Byčak.
Pavodie jaho słoŭ, tendencyja płanamiernaha źnižeńnia stavak budzie praciahvacca. Nacyjanalny bank źnižaje staŭku refinansavańnia dla padtrymki likvidnaści bankaŭ, paśla čaho banki pačynajuć źnižać staŭki pa depazitach i kredytnyja staŭki.
Razam ź inšymi bankami «MTBank» pravodzić palityku płanamiernaha źnižeńnia stavak. «Źnižana staŭka refinansavańnia, i bank pryniaŭ rašeńnie ab parytetnym źnižeńni stavak pa ŭsich kredytach na 5–10 pracentnych punktaŭ. U toj ža čas pa depazitach staŭka taksama budzie źnižacca», — adznačyŭ Byčak.
Sioleta Nacbank užo źnižaŭ staŭku refinansavańnia: 15 lutaha na 2 pracentnyja punkty — da 43% hadavych, a 1 sakavika jana źnizicca jašče na 5 pracentnych punktaŭ — da 38% hadavych.