Adziny paradak uliku hramadzian na atrymańnie ziamielnych učastkaŭ ŭvodzicca ŭ Biełarusi
Adziny paradak uliku hramadzian na atrymańnie ziamielnych učastkaŭ pačynaje dziejničać u Biełarusi z 1 sakavika 2012 hoda, paviedamili ŭ Dziaržkammajomaści.
Takim čynam, u rehijonach ustaloŭvajecca adna ahulnaja čarha zamiest raniej dziejnych niekalkich na atrymańnie ziamielnych učastkaŭ dla budaŭnictva žylla. Da 1 sakavika 2012 h abłvykankamy i Minski harvykankam pavinny byli sfarmavać adziny śpis hramadzian, jakija žadajuć atrymać ziamielnyja ŭčastki dla budaŭnictva damoŭ. Pryčym heta pavinna być zroblena z ulikam raniej sfarmavanych čerhaŭ i śpisaŭ takich hramadzian. Heta značyć, kali było čatyry čarhi, to ciapier jany vystrojvajucca pa paradku, paśladoŭna adna za adnoj, za apošnim “čarhavikom” pieršaj čarhi budzie stajać pieršy z druhoj i hetak dalej.
U Dziaržkammajomaści adznačyli, što stvareńnie adzinaj čarhi nijak nie paŭpłyvaje na źnižeńnie chutkaści prasoŭvańnia ŭ joj. Na chutkaść prasoŭvańnia paŭpłyvaje tolki stvareńnie masivaŭ dla indyvidualnaj žyłoj zabudovy. Čym bolš vykanaŭčyja kamitety buduć stvarać novych ziamielnych učastkaŭ, uklučać u śpisy, pieraliki svabodnych, niezaniatych ziamielnych učastkaŭ, tym chutčej budzie prasoŭvańnie pa čarzie.
Što datyčycca hramadzian, jakija padaduć zajavy na atrymańnie ziamielnych učastkaŭ paśla 1 sakavika 2012 hoda, to jany ŭžo buduć stanavicca ŭ kaniec stvoranaj adzinaj čarhi. I tut užo nie budzie prymacca da ŭvahi ni ich patrebnaść u palapšeńni žyllovych umoŭ, ni miesca pražyvańnia. Heta značyć, jany buduć čakać atrymańnia ŭčastka ŭ paradku žyvoj čarhi.
Adziny paradak uliku stvarajecca ŭ adpaviednaści z pastanovaj urada ad 30 śniežnia 2011 № 1781. Jana pryniataja ŭ adpaviednaści z ukazam ad 23 vieraśnia 2011 h. № 431 "Ab niekatorych mierach pa ŭdaskanaleńniu adnosin u halinie kanfiskacyi, pradastaŭleńnia i vykarystańnia ziamielnych učastkaŭ"