Konsulskija adździeły pasolstvaŭ krain ES u Minsku pracujuć u zvyčajnym režymie
U pasolstvach Litvy, Čechii i Hiermanii paćvierdzili, što ich konsulstvy pracujuć narmalna, nijakich źmianieńniaŭ z vydačaj viz nie adbyłosia. Nijakich prablem z vydačaj viz biełaruskim hramadzianam nie ŭźnikła.
«Konsulskija słužby nie zaležać ad taho, adklikali pasła ci nie», — adznačyŭ pradstaŭnik pasolstva Hiermanii.
Nahadajem, 28 lutaha aficyjny Minsk rekamiendavaŭ kiraŭniku pradstaŭnictva ES i pasłu Polščy «vyjechać u svaje stalicy dla kansultacyj, kab davieści svajmu kiraŭnictvu ćviorduju pazicyju biełaruskaha boku ab nieprymalnaści cisku i sankcyj». U svaju čarhu biełaruskija pasły ŭ Polščy i pry Jeŭrasajuzie taksama adklikany na radzimu dla kansultacyj. Takim čynam Biełaruś adreahavała na rašeńnie Rady ES ad 27 lutaha pašyryć śpis nieŭjaznych biełaruskich čynoŭnikaŭ, uklučyŭšy ŭ jaho jašče 21 proźvišča.
U jakaści miery ŭ adkaz usie krainy ES pryniali sumiesnaje rašeńnie adklikać ź Minska svaich pasłoŭ.