Łatvija papiaredžvaje: ES moža ŭvieści ekanamičnyja sankcyi
«Hetym razam usio surjozna», — dziaržsakratar Ministerstva zamiežnych spraŭ Łatvii Andrys Tejkmanis papiaredziŭ łatvijski biznes.
Jeŭrapiejski Sajuz moža ŭvieści ekanamičnyja sankcyi suprać Biełarusi. Łatvijskim pradprymalnikam varta ličycca z takoj mahčymaściu, zajaviŭ Łatvijskamu radyjo dziaržsakratar Ministerstva zamiežnych spraŭ Andrys Tejkmanis.
Pavodle słovaŭ dypłamata,
adpaviednaje rašeńnie ES moža pryniać na praciahu miesiaca.
— Heta sapraŭdy mahčyma. Na hety raz usio surjozna, — pryznaŭ jon.
Pa słovach Tejkmanisa, Łatvija nie padtrymlivaje ekanamičnyja sankcyi suprać svaich susiedziaŭ, pakolki jany mohuć pahoršyć umovy žyćcia zvyčajnych hramadzian Biełarusi.Adnak mnohija inšyja krainy ES padtrymlivajuć ŭzmacnieńnie žorstkaści palityki ŭ dačynieńni da režymu Alaksandra Łukašenki.
«My nie padtrymlivali sankcyi, i ŭ hetym płanie naša pazicyja nie źmianiłasia. U lubym vypadku, kali budzie pryniata rašeńnie ab sankcyjach, my zrobim usio mahčymaje, kab našy pradprymalniki paciarpieli jak maha mienš.
Ale, dumaju, Łatvija nie ŭ stanie prosta błakavać ŭviadzieńnie sankcyj», — adznačyŭ jon.
U suviazi z hetym MZS płanuje pravieści kansultacyi ź miascovymi biźniesmienami, kab abmierkavać situacyju. Siarod mahčymych sankcyj — zabarona na kantakty ź biełaruskimi pradprymalnikami, jakim zabaronieny ŭjezd u ES.
Tejkmanis dadaŭ, što Biełaruś moža paźbiehnuć sankcyj, kali vyzvalić kala vaśmi palityčnych viaźniaŭ.«Niaŭžo kožny z hetych źniavolenych varty miljonnych strat dla biełaruskaj ekanomiki. Biełarusy sami pavinny ab hetym padumać» — skazaŭ jon.
Uviadzieńnie sankcyj mahčyma ciaham miesiaca, dadaje Tejkmanis.
***
Dadamo, raniej ab mahčymych dadatkovych sankcyjach u dačynieńni da Biełarusi zajavili pradstaŭniki Hiermanii, Francyi i Polščy.
Na forumie «Viejmarski trochkutnik», jaki adbyŭsia ŭ Bierlinie, ministry zamiežnych spraŭ Polščy, Niamieččyny i Francyi zapatrabavali vyzvaleńnia ŭsich palitviaźniaŭ u Biełarusi i ažyćciaŭleńnia demakratyčnych reformaŭ.U advarotnym vypadku buduć uviedzienyja dadatkovyja sankcyi suprać Minska, pieraścierahli jany.